Siglir tar il cuntegn
Inhalt

Surselva Ovras dal «Maister da Vuorz» sco attracziun turistica

En l’avegnir duain las picturas dal «Maister da Vuorz» er vegnir nizzegiadas turisticamain. L’entschatta fa Vuorz, nua ch’i vegn purschì 3 guidadas en la baselgia refurmada ed en il museum deditgà al «Maister da Vuorz».

Extract da la pictura dal „Meister da Vuorz“.
Legenda: Extract da la pictura dal «Meister da Vuorz». RTR, H. Huonder

Medemamain vulan plirs lieus cun maletgs da l’artist nunenconuschent en il Grischun realisar ina rait. Communablamain duai vegnir offrì a turists la pussaivladad da visitar ils lieus. Las ovras dal «Maister da Vuorz» dateschan dal 14avel tschientaner. En radund 20 lieus dal Grischun existan ovras dad el. Las pli bain mantegnidas sa chattan dentant en la baselgia refurmada a Vuorz.