Siglir tar il cuntegn
cuntegn

Surselva Ovra electrica Tschar - las lavurs han cumenzà

L’ovra electrica Tschar a Sursaissa e Tavanasa vegn sanada ed engrondida per 46 milliuns francs. Las lavurs han cumenzà cun ina emprima badigliada.

Ina egliada sur la punt giu encunter ils mirs da betun e crappa che furman la tschiffada d'aua
Legenda: La tschiffada dal dutg Tschar existenta vegn era sanada cun l'engrondiment da l'entira ovra. RTR, L.Livers
La punt da betun che maina sur il Grosstobel encunter St. Joseph
Legenda: Sut il vitget St. Joseph vegn bajegia la centrala nova per l’emprim stgalim da la l'ovra Tschar. RTR, L. Livers

La patruna da questa ovra è l'AXPO ensemen cun las vischnancas Breil, Sursaissa, Vuorz ed il chantun Grischun.

Il coc da questa ovra engrondida Tschar è la nova part che vegn bajegiada. Quai è ina tschiffada sin 1600 meters sur mar, da la vegn l'aua manada atras ina galaria da 270 meters lunghezza e vinavant en bischens d’auta pressiun fin a St. Joseph.

Là vegn fatg l’emprima giada electricitad en la centrala nova. La segunda part che vegn renovada è il toc existent davent da Sursaissa fin a Tavanasa e là datti ina nova turbina che porta anc ina giada dapli prestaziun. En tut vegn dublegià la prestaziun da 18 sin 35,5 GWh.