Siglir tar il cuntegn
cuntegn

Surselva Ovra electrica Ferrera ha producì dapli energia

L’Ovra electrica Ferrera SA Trun ha producì l’onn passà bunamain sis pertschient dapli energia che la media dals ultims 10 onns. Ils custs da producziun per ura kilowatt muntan a 6,99 raps.

L’Ovra electrica Ferrera SA sa chatta sin l’intschess da la vischnanca da Trun.
Legenda: L’Ovra electrica Ferrera SA sa chatta sin l’intschess da la vischnanca da Trun. ANR, H. Huonder

L’onn passà ha l'ovra electrica Ferrera SA da Trun producì dapli energia che l'onn avant e che la media dals ultims 10 onns. Quai mussa il rapport annual. Totalmain èn vegnidas producidas 18.6 uras gigawatt. L’energia ha surpiglià la Repower SA.

Il cussegl d’administraziun propona a la radunanza generala dals acziunaris da distribuir ina dividenda da 2,75% sin il chapital d’aczias da 3 milliuns francs. Intginas reparaturas imprevisas dals indrizs tecnics èn stadas necessarias. Sin la producziun han però quellas gì ina pitschna influenza.

RR novitads 15:00