Surselva - Ospital regiunal Surselva fa 50'000 gudogn
L'ospital regiunal Surselva ha fatg il 2017 in pitschen gudogn da var 50'000 francs. La radunanza generala dad oz ha approvà tant il quint annual sco era il rapport dal 2017.
L'ospital ha nudà l'onn passà dapli entradas en la part ambulanta d'ina vart, ed entradas stagnantas u perfin pli bassas en la part staziunara da l'autra vart.
Il retgav da gestiun da var 29 milliuns francs, è lev pli bass che l'onn avant. Uschia saja grev da finanziar a lunga vista las investiziuns, scriva l'ospital da Glion.
