Siglir tar il cuntegn
Inhalt

Surselva Ospital Glion: Nov medi principal medischina interna/cardiologia

Davent dal 1. da fanadur surpiglia Markus von Gradowski la partiziun medischina interna/cardiologia dal Spital regiunal Surselva.

Il Spital regiunal Surselva a Glion survegn in nov medi principal per la partiziun medischina interna/cardiologia.
Legenda: Il Spital regiunal Surselva a Glion survegn in nov medi principal per la partiziun medischina interna/cardiologia. RTR, L. Livers

Tenor ina communicaziun dal Spital regiunal Surselva ha Markus von Gradowski 42 onns ed è creschì si en Germania. El ha studegià medischina a la Albert-Ludwigs-Universität Freiburg i. Br. e cuntanschì il titel da medi spezialist da medischina interna l’onn 2011.

Purtret da Markus von Gradowski.
Legenda: Markus von Gradowski. Spital regiunal Surselva

Ils ultims trais onns ha el lavurà sco medi superiur en ils centers per cas d’urgenza dals ospitals universitars a Basilea (2014/15) ed a Berna (dapi 2016).

Sper medischina interna e cardiologia ha Markus von Gradowski era enconuschientschas en medischina d’urgenza e medischina da las tropas. Plinavant posseda el in certificat sco medi incumbensà per dumondas d'igiena.