Siglir tar il cuntegn
cuntegn

Surselva Ord susta per glera è daventà ina garascha

Era en zona cotschna dastga il chantun midar l'intent da quest bajetg a Trun – Zignau.

Curt e concis

  • Zona cotschna è nagin impediment.
  • Gia duas giadas midà intent dal bajetg.
  • La lescha da vart da vias chantunalas lubescha quest agir.

L'atun passà ha l'uffizi da construcziun bassa dal Grischun funcziunà enturn in bajetg a Trun – Zignau. Quai bajetg sa chatta en la zona cotschna a l'ur da la chava da glera. Bain inqual che ha vis questa midada d'utilisaziun è sa dumandà daco ch’il chantun dastga far quai. La resposta è simpla.

Quest bajetg tutga tar il mantegniment da las vias chantunalas. Uschia vegn en vigur la lescha da vart las vias chantunalas. Sco quai che Reto Knuchel, manader da l'uffizi da construcziun bassa dal chantun di, munta quai ch'il chantun na dovra nagina lubientscha da la vischnanca ed era nagina lubientscha per bajetgs ordaifer la zona da bajegiar (BAB). L’instanza che decida talas chaussas è la regenza.

Istorgia

L'onn 1987 era questa susta vegnida bajegiada sco deposit da glera per il chantun. L'onn 2001 è vegnir fatg l’emprima midada cun metter in auto da crana en quest bajetg durant il temp da stad. L'onn passà hai dà ina midada pli gronda. Il bajetg è vegnì partids en duas parts: ina part garascha ed ina part deposit. Dapi questa midada sa chatta l'auto da vitgira cun la croc en quest deposit dal chantun.

RR actualitad 08:00