Ils concerts festivs che Simon Camartin dirigia mintgamai la fin da l’onn differents lieus dal Grischun èn per bain inqualin in termin fix en l’agenda.
Che Simon Camartin ha elegi quest per quests concerts il medem orchester sco l’onn passà ha pliras raschuns. Tranter auter vul el cun quai ulteriur engaschi renconuscher la buna prestaziun da l’onn passà. Da l’autra vart dentant era sustegnair ils musicists giuvens che vivan en in pajais en il qual ch’i regia guerra.
Sustegnair musicists giuvens da l’Ucraina
Pudair dar concerts en Svizra saja uschia per in orchester da giuvenils da l’Ucraina prest in punct culminant da l’onn. Quai sajan vairs dis da Nadal manegia Simon Camartin. Betg sco ultim èsi era in sustegn finanzial per ils musicists: «Ils dis ch’els è en Svizra vegnan els tuttina da gudagnar daners che cumpensescha bler temp da lavur pajà mal en l’Ucraina» di Simon Camartin.
Ils concerts
- dumengia, ils 27 da december, las 17.00 ad Untervaz en halla polivalenta
- glindesdi, ils 28 da december, las 20.00 a Mustér en la sala Peter-Kaiser (Claustra) - prevendita tier Papeteria Hosang 081 936 43 36
- mardi, ils 29 da december, las 20.00 a Falera en la Fermata - prevendita 081 936 65 00