Siglir tar il cuntegn

Header

audio
Opera Viva questa stad cun «Semiramide».
Or da Actualitad dals 20.05.2022.
abspielen. Laufzeit 3 minutas 11 Sekunden.
cuntegn

Opera Viva «Semiramide» finalmain sin tribuna

Planisà fiss «Semiramide» stà per il 2020. Pervia da la pandemia ha l'occurrenza dentant stuì vegnir spustada duas giadas. Finalmain preschenta l'Opera Viva questa stad «Semiramide» da Gioachino Rossini a Sursaissa.

I saja stà ina gronda dischillusiun ch'ins haja stuì spustar «Semiramide», di il manader artistic e dirigent Gion Gieri Tuor. Impurtant saja stà da tegnair ensemen l'ensemble ch'els avevan gia furmà il 2019. Els hajan gì cletg che tut ils solists e tut las solistas hajan exnum er vulì esser da la partida quest onn. Tar il chor che sa cumpona sulettamain da persunas indigenas haja dà intginas midadas.

Jau hai plascherun che nus pudain ussa vairamain far questa opera.
Autur: Gion Gieri Tuor menader artistic e dirigent da l'Opera Viva

Las provas per «Semiramide» han cumenzà l'entschatta da l'onn. Els hajan avunda temp e tut giaja tenor plan. Er sch'i haja l'entschatta dal 2022 anc dà intginas restricziuns na lavurian els betg auter che tschels onns. Il plaschair che l'ovra da Rossini po finalmain vegnir preschantada è grond. Semiramide ha lieu dals 29 da fanadur fin ils 13 d'avust a Sursaissa.

Ord l'archiv

Las entschattas da l'Opera viva

video
Telesguard dals 29.12.2005
Or da Telesguard dals 29.12.2005.
abspielen. Laufzeit 2 minutas 57 Sekunden.

RTR actualitad 17:00

Artitgels legids il pli savens

Scrollar a sanestra Scrollar a dretga