Siglir tar il cuntegn

Header

cuntegn

Surselva Opera Carmen: Gia 80% dals bigliets èn vendids

La prevendita saja buna per las nov producziuns cun varga 500 plazs da la opera Carmen a Sursaissa.

90% dals plazs ston esser occupads per che l'Opera Viva saja da la vart segira. Che la prevendita cuntanschia gia ils 80% è per il manader da project Roman Benker in bun segn. Cumenzà ha la prevendita gia l'atun passà e l'emprima reclama han ins fatg il december. Ils davos onns èsi vegnì megliurà ils plazs, uschia ch'ins possia dir ch'i haja anc adina buns plazs per l'opera.

Vender l'opera Carmen, quai giaja bain di Benker. Quella opera saja uschè enconuschenta ch'ella sa vendia bunamain da sa sezza.

audio
Mezdi: Opera Viva – La prevendita è ida bain
ord Actualitad dals 18.07.2018.
laschar ir. Durada: 3 minutas 13 Secundas.

Ils protagonists

Avant ch'ins po dentant vender insatge, stoi dentant er vegnir producì. Perquai hai duvrà bleras persunas. Brida Janka e Rico Tuor èn dus chantadurs dal chor da Opera Viva. Els giaudan la stad 2018 cun restar en Surselva e chantar per l'opera. Omadus en pir entras l'Opera Viva vegnids en contact cun il mund da las operas. Dapi il schaner van els ad exercizi da chant. Las davosas duas emnas avant la premiera saja in temp fitg intensiv. Ils solists e las solistas chantian quasi mintga di. Vacanzas dettia lura pir l'auter onn cura ch'i na dat nagina opera a Sursaissa. Opera Viva è quest onn il motto da stad da Brida Janka e Rico Tuor.

RR actualitad 12:00

Artitgels legids il pli savens