Siglir tar il cuntegn
Inhalt

Surselva Omagi a Daniel Schmid

Ils 5 d’avust 2006 è Daniel Schmid, il reschissur da films, teaters ed operas, mort. La retrospectiva «Flimmerndes Flims» haja success, communitgeschan ils organisaturs, la famiglia Schmidt, il Schweizerhof Flims Romantik Hotel e la Chasa melna Flem.

«Il kino da stad per Daniel Schmid» a Flem ha mussà e mussa anc films dal reschissur indigen. Quests films vegnan mussads sin il paz sper la Chasa Melna. Ulteriurs film èn da vesair en il Hotel Schweizerhof.

Reschissur da films ed operas

Daniel Schmid è naschì ils 26 da december 1941 a Flem. El è creschì si en l’Hotel Schweizerhof da ses geniturs Arthur e Carla Schmidt-Bivetti. Il film «Zwischensaison» (1992) regorda a quest temp. Durant ses studis ha Schmid lavurà sco schurnalist e translatur. A partir da 1966 ha el lura studegià a l’academia da film e televisiun a Berlin. Bainbaud ha el cumenzà a realisar films per la televisiun ed agens films.

A l’entschatta dals onns 1970 ha Schmid lavurà ensemen cun Rainer Werner Fassbinder, Rosa von Praunheim e Werner Schroeter. Enconuschent è el vegnì 1976 cun «Schatten der Engel», in film tenor in toc teater da Fassbinder. Grond success ha Schmidt gì cun il film satiric «Beresina oder Die letzten Tage der Schweiz» da 1999. Dal 1984 fin il 2001 ha Daniel Schmid era lavurà sco reschissur d'operas. Ils 5 d’avust 2006 è el mort cun 64 onns en consequenza da cancer.

Program da «Flimmerndes Flims»

Film (sin plazza sper la Chasa melna)
datum
Jenatsch (1987)
29-07-2016
Zwischensaison (1992)
30-07-2016
Beresina (1992)
31-07.2016
Hécate (1982)
04-08-2016
Daniel Schmid - Le chat qui pense (film documentar)
05-08-2016
Il Bacio Di Tosca (1984)
06-08-2016
Legende: Video Omagi a Daniel Schmid - Cuntrasts dals 2.09.2012 abspielen. Laufzeit 26:59 Minuten.
Or da RTR dals 04.08.2016.