Siglir tar il cuntegn

Header

video
Obligatori da mascras en il Grischun: 3 dumondas a Gastro Svizra
Or da RTR Social dals 16.10.2020.
laschar ir
cuntegn

Obligatori da mascra grischun Gastro Svizra: Avain spetgà l'obligatori

Per Gastro Svizra fissi impurtant che tut ils chantuns faschessan il medem. Segns da dumonda vesa l'Uniun grischuna d'artisanadi e mastergn tar la realisaziun da las novas mesiras.

L'ustiera Annalisa Giger da Mustér è en la suprastanza da Gastro Svizra. Per els na saja l'obligatori atgnamain nagina surpraisa. Els avessan dentant pli gugent che l'obligatori da mascra en las ustarias valess en l'entira Svizra ha ella ditg vers RTR.

Il giast sto savair ch'el ha da purtar mascrina dapertut sch'el viagescha en Svizra.
Autur: Annalisa GigerSuprastanta Gastro Svizra

Plinavant fa l'ustiera da l'hotel Alpsu a Mustér era in zic quitads per la stagiun d'enviern che stat avant porta.

I fa in zic tema da patratgar vid la stagiun d’enviern. Nossa stagiun impurtanta stat avant porta e nus sperain ch’i giaja bain cun la gastronomia ed il turissem.
Autur: Annalisa GigerSuprastanta Gastro Svizra

Bleras dumondas avertas tar l’uniun da mastergn

Che tut funcziunia la sonda en damaun sco i stuess cun l’obligatori da mascra saja illusoric, di il president da l’Uniun grischuna d'artisandi e mastergn, Maurus Blumenthal. Bleras dumondas sajan anc avertas.

Tge che fa dentant il pli fitg mal il venter a Maurus Blumenthal n’èn betg las consequenzas finanzialas, mabain las sfidas sco organisar da nov la lavur e betg vesair la clientella pervi da la mascra. In surpraisa na saja l’obligatori dentant betg stà. Ma el spera che las vischnancas ch’èn responsablas da controllar las interpresas e clientella sa mussian culantas e sustegnian las interpresas.

Quai na po betg esser che las stizuns han da far polizia e stgatschar la clientella. I dovra inqual process fin che la glieud s’endisa vi da quai.
Autur: Maurus Blumenthalpresident Uniun d'artisandi e mastergn

In process che duai speranza evitar in segund lockdown. Pertge lez fiss fatal, di Maurus Blumenthal. Per l'emprima giada hajan bleras interpresas giu reservas, per ina segunda giada probabel betg pli.

RTR actualitad 12:00

Artitgels legids il pli savens

Scrollar a sanestra Scrollar a dretga