Novs gremis politics 2020-2022 - Maurus Caflisch è il nov president da Trin - Novitads

Novs gremis politics 2020-2022 Maurus Caflisch è il nov president da Trin

A chaschun da la radunanza communala ha la vischnanca da Trin elegì las autoritads communalas per la perioda d'uffizi 2020 fin 2022.

Autur: CDM / Corina Luck

Suenter sis onns ha il president communal en uffizi, Stefan Cahenzli, abditgà uschia ch'ils da Trin han gì d'eleger in successur. Sco nov president da vischnanca ha la radunanza communala da Trin elegì Maurus Caflisch. Ils davos 12 onns è Maurus Caflisch gia stà commember da la suprastanza. Tar la votaziun a scrit han varga 80 dals 216 preschents mess en in cedel vid. Tar in absolut pli da 66 ha Maurus Caflisch obtegnì 102 vuschs .

Trais propostas per post vacant en suprastanza

Per il post vacant en suprastanza han ils votants elegì Simon Schwarzenbach che abitescha dapi tschintg onns a Trin. El cumplettescha la suprastanza sper Silvia Capatt, Luis Casty e Hans Jakob Telli ch'èn vegnids reelegids. Ils elegids cumenzan lur uffizi il 1. da schaner 2020.