Siglir tar il cuntegn

Header

cuntegn

Surselva Novas unifurmas per musica Falera

Per il giubileum da 125 onns Societad da musica Falera cumpra la musica da Falera novas unifurmas.

L’unifurma veglia ha gia 25 onns. Sco la presidenta da la Societad da musica Falera, Heidi Casutt di èsi temp da midar quella perquai che las grondezzas na constattan savens betg pli. «Nus vegnin adina ensemen sin las festas cun tut, quai è dentant in murcs» di Heidi Casutt. I saja adina da barattar vi e nà tschops, librocs e chautschas fin che tuts han insatge che va pli u main.

Gronda investiziun

En tut cumpra la musica da Falera 35 unifurmas. Heidi Casutt di che questas vegnan a custar enturn 60’000 francs. Ins possia bain sa dumandar sch’ina tala investiziun è giustifitgada en in temp nua che bleras societads ed uniuns han miserias dad insumma exister.

audio
Nova unifurma per la Societad da musica Falera
ord RTR Audio dals 11.04.2016.
laschar ir. Durada: 3 minutas 31 Secundas.

«In terz da noss musicists èn sut 15 onns. Nus essan ina fitg, fitg giuvna musica. Sperain natiralmain che quels hajan plaschair da far vinavant musica. Coi il futur vesa ora è grev da dir» di Heidi Casutt. Els hajan decidì da far l’unifurma ed els fetschian questa per quels che sajan ussa en la musica. Ils daners vegnan per ina buna part da la vischnanca, lura sustegn era il chantun. Il rest vegn cuvert da sponsurs.

Artitgels legids il pli savens