Siglir tar il cuntegn

Header

cuntegn

Surselva Nova via d'alp en Val Stussavgia

En Val Stussavgia vegni a dar ina nova via sin la Grossalp. Il suveran ha approvà a la radunanza communala da Val Stussavgia la construcziun e la finanziaziun.

La nova via è 2,6 km lunga e va da l'alp Falätscha sur il Wannatobel vi tar la Grossalp e vegn construida per gronda part sco via natirala. Sulet sin 600 meters è planisà in vial da betun. Sur il Wannatobel duai dar ina punt.

Cun la nova via fiss en il futur er ina collavuraziun tranter las duas alps da vatgas da latg Grossalp e Falätscha pussaivla. Il mument na vul l'alp privata da Falätscha dentant betg collavurar. Ils adversaris da quest project vulevan, ch'i na vegnia betg bajegià ina nova via, mabain renovà la via existenta.

RR novitads 06:00

Artitgels legids il pli savens