Siglir tar il cuntegn

Surselva Nova ustaria en il mulin da Morissen

A Morissen manca dapi onns in lieu da sentupada per ils indigens sco era per ils hosps da vacanzas. Ina nova ustaria duai curreger quella mancanza.

Legende: Video Mulin da Morissen: Emprima badigliada abspielen. Laufzeit 02:18 Minuten.
Or da Telesguard dals 02.06.2016.

Per realisar quest'ustaria han indigens e possessurs d’abitaziuns da vacanzas, en tut 180 persunas, fundà la societad anonima «Il Mulin SA» e decidì da realisar l’ustaria en il bajetg dal mulin da Morissen.

Ils custs totals per l’engrondiment dal bajetg e per las installaziuns necessarias per l’ustaria muntan a circa CHF 930’000. Finanzià vegn il project sco suonda:

  • CHF 250’000 vischnanca Lumnezia
  • CHF 150’000 vischnanca da padrinadi Unterengstringen
  • CHF 282’600 Il Mulin SA
  • CHF 192’400 Agid svizzer per la muntogna, Banca Chantunala, Fundaziun Linsi
  • CHF 55’000 contribuziuns d’interpresas e privats

Planisada è ina ustaria che porscha 2-3 menus da gentar e tschaina e che lavura cunzunt cun products indigens. Sche tut funcziuna tenor planisaziun, vegn l’ustaria averta en circa 1 onn.

RR actualitad 18:00