Siglir tar il cuntegn
Inhalt

Surselva Nova societad gestiunaria per Sennaria Surselva

La Bergsenn SA che maina era la Sennaria Surselva a Mustér vegn surpigliada da la Dörig Käsehandel SA.

La Sennaria Surselva a Mustér.
Legenda: La Sennaria Surselva a Mustér. RTR, Hubert Giger

Per la Sennaria Surselva a Mustér e las 10 plazzas da lavur sa mida nagut, declera il mainagestiun Oskar Huber. Il medem vali era per ils producents da latg. Ils contracts d'affittaziun ed era quels cun ils producents vegnian surpigliads. Tant la Bergsenn SA sco era la Dörig Käsehandel SA èn societads affiliadas a la gruppa Elsa-Mifroma che tutga a la Migros.

Sco Huber ha ditg vinavant ad RTR vegni la fusiun fatga oravant tut, perquai ch'ins possia nizzegiar sinergias en l'administraziun. Ils biros erian gia el medem lieu ad Urnäsch (AR) e per part hajan las duas fatschentas era la medema clientella. Damai che la Dörig Käsehandel SA saja la gronda da las fatschentas, vegni la Bergsenn SA integrada en quella. La midada succeda l'emprim da mars.