Siglir tar il cuntegn

Header

cuntegn

Surselva Nova senda e via da velos tranter Flem e Laax

Tranter Flem e Laax vegn construida ina colliaziun da senda da velos per lung la via sursilvana. La regenza grischuna ha concedì per il project ina summa maximala da 530'000 francs.

La regenza ha approvà la construcziun d'ina colliaziun da senda e via da velos per lung da la via sursilvana a Flem e Laax e concedì per quest intent ina contribuziun chantunala da maximalmain 530 000 francs.

Situaziun nuncuntentaivla

La situaziun actuala sin il traject tranter Flem e Laax n'è betg cuntentaivla per pedunas e peduns sco er per ciclistas e ciclists. Las duas vischnancas vulan perquai stgaffir ina colliaziun da traffic betg motorisà attractiva cun la construcziun d'in senda e d'ina via da velos ch'èn separadas da las ulteriuras vias. La senda cumbinada cun ina via da velos augmenta considerablamain la segirezza da las ciclistas e dals ciclists sco er da las pedunas e dals peduns e meglierescha las relaziuns da traffic sin quest traject da via.

RR novitads 14:00

Artitgels legids il pli savens