Siglir tar il cuntegn

Header

cuntegn

Surselva Nov'ovra idraulica en Tujetsch prenda il prim obstachel

L’interpresa energia alpina vul realisar in’ovra idraulica nova en la Val Giug /Val Mila. Il cussegl da vischnanca ha entant concedì il dretg d'utilisaziun dall'aua per l'ovra idraulica.

Sco proxim decida il pievel tuatschin a l’urna davart la dumonda da concessiun e la finala sto era la regenza grischuna dà glisch verda al project.

L’idea è d’amplifitgar l’ovra Val Giuv cun in’ulteriura ovra che duai utilisar ina part da l’aua da la Val Mila. Per quest intent duai ina lingia da pressiun nova da 2.2 km vegnir construida. Il project preveda da nov era aua restanta per la tschiffada actuala en Val Giuv. Minimalmain 70 l/s (20%) ston cular en l’ual.

Cun la nova ovra po l’energia alpina augmentar la producziun d’energia da 5.6 a ca. 9.8 milliuns uras kilowat. Ils custs d’investiziun muntan a ca. 11.5 milliuns francs.

audio
Mezdi: Project per ina nova ovra idraulica en Tujetsch
ord Actualitad dals 26.08.2015.
laschar ir. Durada: 2 minutas 36 Secundas.

Schanzas e ristgas

En il messadi per il cussegl da vischnanca da Tujetsch statti scrit tranter auter :

Il project ha schanzas, perquai ch’el garantescha ina rendita segira e la pussaivladad d’amortisar las investiziuns a curta vista. Perquai che la Val Giuv surevgn aua restanta saja quai in’ impurtanta revitalisaziun dal spazi da viver per peschs ed auters animals. E cun tschiffar l’aua da la Val Mila datti fin mez december dapli aua per ils indrizs da far naiv.

Tscherta reducziun dal spazi da viver

Las ristgas èn ch’il project na saja betg rentabel economicamain pervia da las pretensiuns fitg autas da las organisaziuns da l’ambient e da l’uffizi chantunal per natira ed ambient. Perquai che l’aua da la Val Mila vegn tschiffada muntia quai ina tscherta reducziun dal spazi da viver. E per ils indrizs da far naiv stettia pli pac aua a disposiziun a partir da mez december.

RR novitads 06:00

Artitgels legids il pli savens