Siglir tar il cuntegn
cuntegn

Surselva Nov indriz d'alarm cunter lavinas per Tujetsch

La regenza grischuna ha approvà il project «Indriz d'alarm per las regiuns da Pulanera e Val Milà» e concedì ina contribuziun chantunala da maximalmain 487'500 francs. Da las spundas da Pulanera e Val Milà van adina puspè a val lavinas.

vista sin in culm plain naiv ed ina val, davant cursescha in tren
Legenda: Il territori periclità duai survegnir in nov indriz d'alarm. mad

Questas lavinas pericliteschan la viafier Matterhorn-Gottard, la via chantunala e las fracziuns da Rueras e Dieni. Sin basa da questas circumstanzas ha la vischnanca da Tujetsch incumbensà l'uffizi da guaud e privels da la natira d'elavurar mesiras tecnicas per reducir la situaziun da privel.

Lavineras memia charas

Sco mesira da protecziun vegn ussa installà in indriz d'alarm cunter lavinas che sa cumpona da trais indrizs da detecziun e d'in indriz da signal. Cun agid dals indrizs da detecziun vegn ina lavina registrada uschè baud sco pussaivel tras sensurs. Pervia da la gronda surfatscha che stuess vegnir surbajegiada, fiss in rempar da lavinas classic fitg char.

RR novitads 10:00