Siglir tar il cuntegn
Inhalt

Surselva Nov da chasa per il medi da la Lumnezia

La pratica dal medi lumnezian sa chatta a partir dal glindesdi en la chasa Lumneziana a Vella.

La recepziun da la pratica nova tut en lain da ruver.
Legenda: La pratica nova il di da l'avertura. MAD, Maya Bundi

La nova pratica vegn messa a disposiziun da la vischnanca Lumnezia e sa chatta gest sper la chasa communala. La pratica è en l’emprima auzada da la chasa Lumneziana.

La tabla cun la uras d'avertura da la pratica.
Legenda: La pratica è endrizzada per dus medis. MAD, Maya Bundi

Segunda midada spetga il 2019

La midada en la pratica nova saja gartegiada senza incaps. Uschia di Maya Bundi,la dunna dal medi Gian Bundi e collavuratura en la pratica a Vella.

La pratica nova è endrizzada per dus medis. Gian Bundi lavura en in pensum da 100% e Rolf Thouet, l'internist da l'ospital da Glion, en in pensum parzial.

Pli tard vegn lura a surprender il nov medi da chasa da la Lumnezia, Mario Venzin, la pratica da Gian Bundi. Venzin cumenza sia lavur a Vella la stad 2019. La surdada definitiva da la pratica è planisada per la stad 2021.

Investiziun en l'avegnir: La Chasa Lumneziana

La vischnanca Lumnezia ha investì en la chasa Lumneziana 4,8 milliuns francs. Ella dat suttetg a la stizun dal Volg ed a la pratica dal medi. La abitaziun en il suttetg è anc betg endrizzada, la vischnanca tschertga in locatur.

RR novitads 17:00