Siglir tar il cuntegn

Header

Navigaziun

Fotografia da la citad da Glion.
Legenda: Profitescha la citad da Glion pli fitg da la fusiun? RTR, L. Livers
cuntegn

Surselva Nota 5 per la nova vischnanca da Glion

Dar notas suenter in onn a la nova vischnanca da Glion n'è betg uschè simpel. Per bain inqualin èsi anc memia baud da dar notas, auters èn da l'avis ch’i na saja da midar nagut. Ma co pon ins giuditgar ‘nagut’ cun ina nota?

Tuttina hai dà tschà e là notas. La proposta è da dar notas sco en scola, il da 6 è la pli auta nota. Tenor quella scala survegn la nova vischnanca in da 5. Las pli bleras persunas che RTR ha pledenta èn da l'avis che la nota 5 saja giustifitgada. La pli bassa nota ppussaivla è il da 2.

Dumbraders d'aua sbassan la nota

Crititgà vegnan surtut ils dumbraders d'aua ch’èn vegnids introducids ed ils novs reglaments per ir per pignola da Nadal u era la taxa da 30 francs per ir a rimnar laina en il guaud.

Il president da la citad è cuntent cun la nota

Aurelio Casanova, il president da la vischnanca da Glion, prenda posiziun tar las reproschas. En general è el dentant cuntent cun la nota 5, che saja motivanta per els e che mussia che betg tut saja sta fallà