Prest 90 deputads e deputadas pretendan da la regenza grischuna da puspè prender si il fil da la Porta Alpina sco staziun da viafier. En vista a las grondas investiziuns en il turissem da la Surselva e l'actual interess d'investiders duai la regenza far tut il pussaivel per puspè metter en moviment il project Porta Alpina. Quai scriva il deputà René Epp da la PCD en sia incumbensa a la regenza.
L'idea da la Porta Alpina era da colliar la Surselva cun il tunnel da basa dal Gottard. Entras la Porta Alpina sco attracziun turistica e colliaziun da traffic, possian ins dar ulteriurs impuls a la regiun Surselva, sco destinaziun turistica, uschia l'argumentaziun.
Ord l'Archiv:
Il 2016 ha il Telesguard dumandà il Cusseglier guvernativ Mario Cavigelli sche la Porta Alpina haja anc ina schanza – ils dretgs per nizzegiar las hallas en il tunnel da basa dal Gottard èn il mument anc tar il chantun.
RTR novitads 12:00
