Siglir tar il cuntegn
Inhalt

Surselva Naiv chaschuna accidents da traffic

Sper in accident da traffic a Sagogn ha la naiv er chaschunà divers accidents da traffic en l'ulteriura Svizra.

In auto schlischnà giu dad ina costa. Sin via polizia ed auto da posta.
Legenda: Accident da traffic a Sagogn. MAD

La naiv da questa fin d'emna ha chaschunà divers accidents en Svizra. A Sagogn è in automobilist ì sur la via ora, perquai ch'el ha vulì guntgir l'auto da posta. El è crudà 10 meters d'ina plaunca giu. Duas da las 3 persunas en l'auto èn vegnidas blessadas lev. L'auto è vegnì donnegià dal tut. Il manischunz da l'auto è in turist talian da 43 onns.

Er giu la Bassa hai dà accidents pervi da la naiv – 40 sulettamain en il chantun Son Gagl. Il pli savens èsi restà tar donn da material. Medemamain ha la naiv chaschunà disturbis tecnics en il traffic da viafier. Consequentamain hai dà interrupziuns, las pli bleras en Svizra franzosa sco per exempel tranter Tramelan en il chantun Berna e Le Noirmont en il Giura. Là n'han ils trens betg pudì cursar perquai ch'i ha navì ferm.

RR novitads 14:00