La Pro Natura, il WWF Grischun, la Fundaziun per la protecziun da la cuntrada e l’associaziun Birdlife èn s’annunziadas tar il chantun per pudair sa participar vi dal proceder. Questa opziun stat a disposiziun sulet ad organisaziuns da l'ambient. Ils proxims dis survegnan ellas ils documents necessaris dal chantun, nua ch’ellas pon prender posiziun.
Sco quai che Jacqueline von Arx, la mainafatschenta da la Pro Natura Grischun ha ditg, vegnian ins ad examinar minuziusamain ils documents e suenter decider cun las autras organisaziuns da l’ambient, sch’ins duai intervegnir u acceptar la proposta che definescha tranter auter la ruta exacta da la senda da viandar. Quella cumpiglia in tunnel da bun 400 meters tranter las staziuns da Trin e Versomi.
RR actualitad 17:00