Siglir tar il cuntegn

Header

Navigaziun

Il center d'asil sin il pass dal Lucmagn
Legenda: Il center d'asil sin il pass dal Lucmagn RTR, H. Giger
cuntegn

Surselva Nagins problems cun il center d’asil sin il Lucmagn

2013 èn requirents d’asil stads l’emprima giada en il center sin il pass dal Lucmagn, in bajetg dal militar. Questa stad èn 165 umens giuvens puspè stads là, surtut persunas da l’Eritrea e da l’Afghanistan. Quai dals 27 da zercladur fin ils 16 d’october.

Sco il president da la vischnanca da Medel Peter Binz ha detg haja quai dà naginas reclamaziuns da la populaziun, ni da Medel ni da la vischnanca da Blenio. Era la polizia na haja betg stuì intervegnir, di Susanne Lenherr, ella è ina da las responsablas da la confederaziun per il center. Mo sa chapescha che quest lieu n’è betg ideal, era sch’ina persuna stat là mo 5 emnas. Plaz hai per maximalmain 80 persunas per di.

Program d'occupaziun

Per ils requirents d’asil hai dà in program d’occupaziun, per ex. frequentar in curs da tudestg, far sport ubain lavurar tar ina da las duas vischnancas.
Cons da quests umens giuvens che pon star en Svizra na po Lenherr dir. Ed ella n’ha po er betg dir, con ch’il center d’asil sin il pass dal Lucmagn custia e sche quel vegnia avert puspè 2016.