Plinavant n'han betg tuts cumenzà cun rumantsch grischun il medem onn da scola. Las duas emprimas classas da la scola superiura da Laax e da Glion èn perquai classas maschadadas.
A Glion vegnan ils da Ruschein, che n’han betg gì rumantsch grischun en scola primara, instruids ina ura en lur idiom. Duas uras èn els ensemen cun quels ch'han gì rumantsch grischun, vegnan dentant instruids en lur idiom.
Laax schlia il problem auter
A Laax è l'instrucziun en rumantsch grischun ed idiom chaussa da preparaziun dal scolast u la scolasta. Quai vul dir ch'i vegn instruì en ina classa il medem mument rumantsch grischun e l’idiom.
Tenor il cusseglier guvernativ Martin Jäger na dettia naginas directivas auter che quella che mintga scolar stoppia vegnir instruì fin la fin da sia carriera da scola en quest linguatg ch’el è vegnì alfabetisà.
Per Vitus Gartmann, il president da la Surselva Romontscha, è quai in desaster. Questa situaziun vegnia a sa repeter cun las classas che bandunian il rumantsch grischun. Era là sajan puspè ils consorzis che stoppian cumbatter cun classas che n’hajan betg gì la medema instrucziun.
Sco quai ch’i sa mussa ussa, èn ils scolasts quels che ston schliar il problem.
RR actualitad 06.00