Siglir tar il cuntegn

Header

Igl architect Thom Mayne ha pictura sia visiun da la tur.
Legenda: Igl architect Thom Mayne ha pictura sia visiun da la tur. RTR, L. Livers
cuntegn

Surselva Nagina votaziun sur da la «Femme de Vals» quest atun.

Ils da Val stuessan decider sur da la revisiun dil plan da zonas avant che la 7132 sa bajegiar la tur.

La 7132 SA avess giu gugent sche la votaziun sur dal plan da zonas avess gì lieu quest atun. La vischnanca sezza aveva mai tschentà in termin da votaziun, quai per na betg vegnir sut squitsch, ha il president da vischnanca Stefan Schmid ditg a RTR. Il plan da zonas sto vegnir midà per che la 7132 SA possia bajegiar la tur da 381 meters autezza.

Preexaminaziun dal chantun è sin maisa

L'entschatta dal vitg da Val son Pieder, cun la Therme.
Legenda: La revisiun dil plan da zonas pertutga la regiun Im Boda. RTR, L. Livers

La preexaminaziun dal chantun è ussa sin maisa da la vischnanca da Val. Stefan Schmid discurra da 2-3 dumondas che èn anc avertas e che vegnan discutadas tranter la 7132 SA e la vischnanca. Tge exact ch’è anc avert na ha el betg vulì tradir a RTR. En mintga cas vul la vischnanca far anc quest atun in’orientaziun per la populaziun, per discutar questa midada dal plan da zonas.

Sin dumonda sche quai haja da far cun la funtauna d’aua da Val, ha Schmid respundì che i dettia gia tscherts rapports dals geologs da la 7132 SA e da Coca Cola. En mintga cas stoppia dentant il rapport final sur da la geologia esser avant maun, avant ch’i vegnia votà sur da la midada da zonas. Quai na saja anc betg il cas ha Schmid cumplettà. En questa emprima examinaziun dal chantun na vegn la protecziun da la funtauna da l’aua da Val betg tractada.

Remo Stoffel cun igl architect da la tur Thom Mayne.
Legenda: Remo Stoffel cun igl architect da la tur Thom Mayne. RTR, L. Livers

Ord vista da l’impressari Remo Stoffel è quest retard betg insatge extraordinari.

Auf das Projekt «Femme de Vals» hat diese Verzögerung keinen Einfluss. Bei einem solch grossen Projekt muss man mit solchen zeitlichen Veränderungen rechnen – am Grundsatz des Projekts und am unternehmerischen Willen ändert sich selbstverständlich nichts.
Autur: Remo StoffelImpresari

RTR/ll

Artitgels legì il pli savens

Nach links scrollen Nach rechts scrollen