Siglir tar il cuntegn
Inhalt

Surselva Nagina tema pervi da controllas betg annunziadas

Bains purils vegnan controllads ed almain 40% da quellas controllas duain succeder senza annunzia.

Curt e concis:

  • Il 2018 duai quai dar dapli controllas betg annunziadas.
  • Il 2017 hai tar 82% da las controlla dà naginas mancanzas.
  • En in onn vegnan controllads var 12’000 manaschis en Svizra.

Il Cussegl federal ha annunzià en il pachet d'ordinaziuns per l'agricultura 2018 ch'i vegnia a dar dapli controllas betg annunziadas tar ils purs. Almain 40% da las controllas duain vegnir fatgas uschia. L' onn 2017 èn vegnids controllads varga 12'000 manaschis purils en Svizra, var in terz da quellas controllas èn vegnidas fatgas senza annunziar avant ellas. Tar 82% da quellas controllas hai dà naginas mancanzas, quai che pertutga la protecziun d’animals.

En favur da l'animal

La protecziun d’animals è in grond tema en la politica agrara, quai di Markus Ritter, president da l' Uniun da purs svizzers. L'onn passà haja dà plirs cas malempernaivels ord vista dal puresser, il pli enconuschent è stà quel en il chantun Turgovia, ils chavals da Hefenhofen.

Co vegn controllà

Tar las controllas betg annunziadas duai la regla da controllas, che sa basan sin la ristga, vegnir resguardadas pli fitg, manegia Markus Ritter. Quai vul dir, là nua ch'i ha dà reclamaziuns duai vegnir controllà pli rigurus e pli savens.

L'ordinaziun scriva avant che mintga manaschi cun animals en Svizra vegn controllà almain ina giada entaifer quatter onns e almain 10% da quellas controllas han da succeder senza annunzia.

RR actualitad 12:00