Siglir tar il cuntegn

Header

cuntegn

Surselva Nagin nov gestiunari per ils Volgs da Falera e Laax

Las butias dal Volg a Falera e Laax restan vinavant en ils mauns da l'associaziun consum Falera-Laax. Quai han ils commembers decis gievgia saira a chaschun da la radunanza extraordinaria cun 66 encunter 10 vuschs.

L'alternativa da dar en locaziun las butias a terz è cunquai vegnida refusada cleramain. Per pudair porscher a la clientella ina butia attractiva è vegnì deliberà in credit da 500'000 francs per renovar la butia a Falera l'onn proxim. Tge che schabegia cun la butia deficitara a Sagogn è anc avert. L'associaziun è en contractivas cun la vischnanca da Sagogn.

Damain svieuta ils ultims onns

La suprastanza da l'associaziun consum Falera-Laax cun butias a Falera, Laax e Sagogn ha clamà a la radunanza extraordinaria perquai che la svieuta è sa sminuida ils davos 5 onns per 8.5%. Ils motivs per quest svilup èn la situaziun dal turissem ed ils blers concurrents en la regiun. Cun dar en locaziun las butias avess l'associaziun da consum pudì dar giu las ristga, avess dentant pers la controlla da las butias.

RR novitads 22:00

Artitgels legids il pli savens