Siglir tar il cuntegn

Surselva Nagin candidat per il presidi da Medel

Il termin per annunziar candidaturas è scadì: Trais posts impurtantas per la vischnanca da Medel restan vacants.

Curaglia e davostiers la claustra da Mustér.
Legenda: Il mument na datti anc nagin candidat per la successiun da Peter Binz sco president communal da la vischnanca da Medel. RTR, Linus LIvers

La dumengia passada han ils da Medel decidì da midar la constituziun, per pudair reducir la suprastanza da tschintg sin mo trais persunas. Candidats na datti però tuttina betg avunda.I na dettia nagin candidat per il presidi ed in candidat per la suprastanza manchia, uschia ha communitgà la suprastanza.

Ed er il post da suppleant saja vacant. In post betg nunimpurtant per ina suprastanza da trais persunas. Perquai ha la vischnanca prolungà il temps per s’annunziar fin ils 18 da matg.

Per tut ils auter uffizis datti avunda candidats. Las elecziuns èn ils 10 da zercladur.

RR novitads 11:00