Mustér: Robert Cajacob nov president communal

Cun in cler resultat han las votantas ed ils votants da Mustér elegì Robert Cajacob sco president communal. Ultra da quai èn era ils ulteriurs suprastants vegnì elegi. Il cussegl da vischnanca n’è betg cumplet.

Robert Cajacob maina per la proxima perioda d'uffizi la vischnanca da Mustér.

Legenda da maletgs: Robert Cajacob ha plaschar dal bun resultat. RTR, G. Hosang

Robert Cajacob è vegnì elegì cun 624 vuschs da 701 vuschs valaivlas. El è stà il sulet candidat per il presidi communal da Mustér e succeda a Francestg Cajacob che n’ha betg candidà per ina ulteriura perioda d’uffizi. Robert Cajacob è gia stà en differents uffizis communals uschia per exempel en il cussegl da vischnanca ed en il cussegl da scola. El entra en uffizi cun l’entschatta dal 2017. En il decurs da la primavaira vegn Robert Cajacob, che maina actualmain la chasa da tgira a S. Martin a Trun, pensiunà.

En suprastanza èn elegids:

Prenum e num
Vuschs
Robert Cajacob, president (nov)
624
Clemens Berther (nov)
511
Victor Flepp (nov)
566
Iris Lombris-Manetsch (nov)
518
Iso Mazetta (fin uss)
499

Cussegl da vischnanca n’è betg cumplet

Per il cussegl da vischnanca hai la finala gì 14 candidats per ils 15 posts. Damai ch’igl è vegnì enconuschent pir suenter las nominaziuns che la lescha na lubescha betg che sir e schender pon esser ensemen en il cussegl da vischanca, ha Paul Duff gia decidì da retrair sia candidatura a favur da ses schender, Christian Loretz. Cun quai è il cussegl da vischnanca betg cumplet ed i dovra in segund scrutini.

Cussegl da scola e cumissiun da gestiun

Las votantas ed ils votants han era elegì il cussegl da scola e la cumissiun da gestiun. En il cussegl da scola è da nov Gion Battesta Manetsch vegnì elegì. Simon Bergamin, Giusep Simonet e Manuela Venzin-Zazzi èn vegnids reelegids.

Ils commembers da la cumissiun da gestiun èn vegnids reelegids per ina ulteriura perioda d’uffizi. Ella sa cumpona da Manfred Caviezel, Beat Hosang e Toni Huonder.

Ils resultats

President communal:
Robert Cajacob624 vuschs
Suprastanza:
Clemens Berther511 vuschs
Victor Flepp566 vuschs
Iris Lombris-Manetsch518 vuschs
Iso Mazzetta499 vuschs
Cussegl da vischnanca:
Christoph Berger395 vuschs
Armin Berther430 vuschs
Stefan Columberg355 vuschs
Adrian Deflorin542 vuschs
Edgar Durschei391 vuschs
Mario Flepp363 vuschs
Anna Maria Genelin406 vuschs
Rita Huonder Tenner503 vuschs
Wendelin Jacomet413 vuschs
Christian Loretz494 vuschs
Giusep Lozza453 vuschs
Armin Manetsch360 vuschs
Helga Probst-Linder428 vuschs
Livio Zanetti438 vuschs
Paul Duff296 vuschs. Paul Duff è parentà en lingia directa cun Christian Loretz. I n'è betg lubì ad els dus d'appartegnair en il medem mument al medem gremi. Perquai refusa Paul Duff sia elecziun. Uschia communitgescha la vischnanca da Mustér.
Cumissiun da gestiun:
Manfred Caviezel567 vuschs
Beat Hosang632 vuschs
Toni Huonder451 vuschs
Cussegl da scola:
Simon Bergamin574 vuschs
Gion Battesta Manetsch369 vuschs
Giusep Simonet492 vuschs
Manuela Venzin-Zazzi435 vuschs