Siglir tar il cuntegn

Header

cuntegn

Surselva Mustér: reglar situaziun cun abitaziuns secundaras

Mez settember ha la vischnanca da Mustér publitgà «La zona da planisaziun». La finamira saja d'examinar mesiras cumplementaras tar la lescha federala davart abitaziuns secundaras, stat scrit là.

Impurtant èn spezialmain dus artitgels da la lescha federala: 1) art. 8 al. 4 che regla la situaziun d’hotels, ed 2) art. 9 al. 1 che regla la situaziun cun bajetgs ch’ins vul proteger.

audio
Bunura: Mustér - zona da planisaziun per evitar midada d'intent
ord Actualitad dals 30.09.2016.
laschar ir. Durada: 2 minutas 19 Secundas.

Impedir muria da hotels

In hotel dastga nizzegiar maximalmain 50% da la surfatscha per realisar abitaziuns secundaras, sch’el na renda betg.

Sco il suprastant da bajegiar da la vischnanca da Mustér Iso Mazzetta di, saja la ristga gronda ch’ils hotels pitschens svaneschian. Per impedir ina muria da hotels veglia la vischnanca relaschar ina zona da planisaziun per definir las cundiziuns. Ins na stoppia dentant betg chapir questa zona sco stop da bajegiar. Mo entras la plivalur ch’in hotel survegnia cun abitaziuns secundaras, stoppian ins pudair nizzegiar quai per exempel per il generalesser ubain per il turissem.

Definir ils bajetgs protegids

Concernent artitgel 9 vul la vischnanca definir tut ils bajetgs en il vitg ed en ils vischinadis che sajan digns da vegnir protegids, di Iso Mazzetta. En quels saja quai pussaivel da realisar abitaziuns secundaras. La finala duain privats ed investiders savair tge ch’els dastgan far.

Ils detagls vegnan alura formulads d’in biro da planisaziun e d'ina cumissiun da planisaziun per mauns da la suprastanza communala. L’ultim pled en chapitel han lura votantas e votants da Mustér.

Artitgels legids il pli savens