Siglir tar il cuntegn

Header

cuntegn

Surselva Mustér: Plazzas per locomotivists?

La Viafier retica vul endrizzar ina basa per locomotivists a Mustér. Perquai ha ella publitgà in inserat. En tut duessan 12 persunas lavurar là.

audio
Saira: Plazzas per locomotivists a Mustér?
ord Actualitad dals 23.11.2016.
laschar ir. Durada: 55 Secundas.

Per questa basa stuessan els investir mo pauc per gardarobas e locals da sa scuntrar, ha la pledadra da la Viafier retica Yvonne Dünser scrit ad RTR. Mo la consequenza fiss ch'intgins locomotivists stuessan midar da Cuira e Landquart a Mustér.

Giavisch da collvuraturs e da la vischnanca da Mustér

Il motiv ch’i duess dar plazzas novas è d'ina vart che collavuraturs hajan giavischà ch’els possian lavurar pli manaivel dal domicil. Plinavant haja era la vischnanca da Mustér giavischà ch’i dettia talas plazzas e la finala hajan era deputads intervegnì en il Cussegl grond.

Decider l'entschatta da l'onn 2017

Ussa dependa quai, quantas persunas che s’annunzian per questas plazzas, e suenter che avantatgs e dischavantatgs èn evaluads, vul la Viafier retica decider l'entschatta da l'onn 2017.

La VR ha set basas per locomotivists en il Grischun: a Landquart, Cuira, Tavau, Scuol, Samedan, Puntraschigna e Poschiavio. Ina basa è il lieu nua ch’in locomotivist cumenza mintgamai a lavurar la damaun.

Artitgels legids il pli savens