Siglir tar il cuntegn
Inhalt

Surselva Mustér: Marco Tomaschett nov manader da l’uffizi da construcziun

Marco Tomaschett daventa nov manader da l’Uffizi da construcziun da la vischnanca da Mustér. Quai communitgescha la suprastanza communala.

Marco Tomaschett
Legenda: Marco Tomaschett mad

Marco Tomaschett è da Mustér ed ha 36 onns. El è scrinari, dissegnader da construcziun auta ed ha fatg la maturitad professiunala. Actualmain lavura el tar l’Axpo Hydro Surselva AG.

La nova plazza è vegnida creada per distgargiar il manader dals servetschs tecnics e da l’uffizi da construcziun, Ervin Maissen. El resta manader dals servetschs tecnics ed uschia era vinavant commember da la direcziun communala da Mustér. Las lavurs da l’uffizi da bajegiar vegn Ervin Maissen lura a surdar a ses nov collavuratur Marco Tomaschett che cumenza sia plazza il cumenzament da settember 2017.