Siglir tar il cuntegn

Header

Impressiuns da l'Indoor Festival
Legenda: A partir da l'auter onn duai puspè dar concerts en il center da sport a Mustér. MAD / Indoor Festival
cuntegn

Mustér Indoor Festival duai puspè turnar

Suenter 10 onns pausa duai puspè dar in Indoor Festival a Mustér. Ils 7 ed 8 da matg 2021 vulan ils organisaturs beneventar giasts naziunals ed internaziunals sissum la Surselva.

Sco gia ils onns 2003 fin 2011 duai il festival avair lieu en la halla plurivalenta dal center da sport e cultura da Mustér. L'infrastructura porschia las premissas idealas per beneventrar fin a 2'000 visitadras e visitaders.

Planisaziun malgrà corona

Il team d'organisaziun saja conscient, ch'il tema corona vegnia anc a fatschentar l'organisaziun ils proxims mais. Ord quest motiv vegnia la planisaziun dal festival er valitada da mais tar mais. Per ils responsabels èsi dentant cler, ch'ins veglia guardar positiv en il futur ed organisar il matg 2021 in festival.

Ord l'Archiv

Il 2011 ha RTR rapportà da la decisiun dals organisaturs da betg pli organisar in festival l'onn vegnint. Motiv era il deficit finanzial ch'il festival ha chaschunà il 2011.

video
Nagin l'Indoor Festival 2012
Or da Telesguard dals 05.09.2011.
laschar ir

RTR novitads 06:00

Artitgels legids il pli savens

Ir a sanester Ir a dretg