Siglir tar il cuntegn

Surselva Mustér: Gist tants candidats sco posts

Per las elecziuns communalas da la vischnanca da Mustér èsi vegni ensemen exact tants candidats sco quai ch’i ha posts.

Ils 25 da settember èn elecziun communalas a Mustér.
Legenda: Ils 25 da settember èn elecziun communalas a Mustér. RTR, Gion Hosang

Uschia hai ussa era avunda candidats per la suprastanza communala. Sco il chanzlist communal Andri Hendry ha communitgà è vegnì nominà cun Iris Lombris-Manetsch ina ulteriura candidata per la suprastanza. Gia avant in mais era vegnì enconuschent che Robert Cajacob (nov) candideschia per il presidi communal, Clemens Berther (nov), Victor Flepp (nov) ed Iso Mazzetta (veder) per la suprastanza.

Remplazzar set cussegliers

GEra per ils set cussegliers communals ch’han dà giu lur post è vegnì chattà candidats. Uschia candideschan da nov Stefan Columberg, Paul Duff, Mario Flepp, Anna Maria Genelin, Christian Loretz, Giusep Lozza e Helga Probst-Linder. Tar il cussegl da scola candidescha Gion Battesta Manetsch per il sez ch'è vegnì liber.

Las elecziuns èn ils 25 da settember.