Siglir tar il cuntegn

Header

Navigaziun

Andermatt.
Legenda: Andermatt. RTR, L. Livers
cuntegn

Surselva Mustér e Tujetsch ston collavurar

Eugen Arpagaus, il manader da l’uffizi chantunal per economia e turissem, n’è betg surstà ch’i na dat anc betg ina destinaziun Andermatt-Sedrun-Mustér. In tal process dovria temp.

Quai di era Franz Egle ch’è en il cussegl d’administraziun da Andermatt Ursera turissem. En ina brev veva el scrit dacurt ad Eugen Arpagaus ch’i fiss da beneventar sche quai dessi ina destinaziun communabla. Mo plans concrets per quella n’existan betg. En il decurs dals discurs saja quai sa mussà ch’i fiss memia baud da fundar ina tala destinaziun. Quai fiss in process cumplex, per ex. da la vart dal Uri stuessan 6 vischnancas esser d’accord. Perquai saja quai meglier il mument da collavurar sch’ins ha projects communabels.

Senza collavuraziun nagins daners dal maun public

Era l’Andermatt Swiss Alps ASA avess beneventà ina destinaziuns dals trais partenaris. Mo sch’i na dettia betg quella na saja quai betg ina sperdita totala, ha il manader da communicaziun tar la ASA Markus Berger detg.

Co vinavant ? Quai n’è betg anc cler. Cler è mo ch’il chantun stat tar sia cundiziun : Las vischnancas da Mustér e Tujetsch ston collavurar en il turissem. Uschiglio na dettia quai betg ils daners dal maun public per ils projects da las pendicularas da Andermatt-Sedrun e da Mustér, di Eugen Arpagaus.