Siglir tar il cuntegn

Surselva Mustér conceda 1 milliun francs per restaurar claustra

Il cussegl da vischnanca da Mustér ha concedì ina contribuziun d’in milliun francs per restaurar la baselgia Sogn Martin da la claustra da Mustér. Questa summa vegn pajada entaifer diesch onns. L’entira sanaziun da la claustra custa 15 milliuns.

Claustra da Mustér tschertga daners per renovaziun.
Legenda: Claustra da Mustér tschertga daners per renovaziun. RTR, G. Hosang

Plinavant ha il cussegl da vischnanca da Mustér dà in credit per il project da sanar la chasa da scola Cons e la plazza da scola. I sa tracta d’ina summa da 450'000 francs per planisar, projectar ed exequir il project.

Questa tractanda ha chaschunà discussiuns perquai ch’intgins cussegliers teman ch'i pudessia dar in referendum encunter.