Siglir tar il cuntegn

Header

Navigaziun

Mustér
Legenda: Mustér RTR, G. Hosang
cuntegn

Surselva Mustér: Cleramain gea als dus projects communals

Votantas e votants acceptan ils dus projects ch'èn stads en votaziun, e quai ina giada cun 68% da las vuschs e l'autra giada cun 71%.

Cun 798 encunter 380 vuschs (68% - 32 %) dian votantas e votants gea als projects da las Pendicularas Mustér. Quels cuntegnan

  • in emprest da 2,5 milliuns francs che vegnan tschainsì ed amortisà entaifer 20 onns per la colliaziun da Sedrun-Cungieri-Parlet,
  • ina garanzia da deficit da 2,5 milliuns francs per ils emprests federals che vegnan amortisads entaifer 20 onns
  • e la finala ina contribuziun da 2 milliuns francs per ennavar il territori da skis da Mustér.

Plinavant di Mustér gea al credit da 2,3 milliuns francs per il rempar Val Acletta e la Via Acletta cun 835 encunter 342 vuschs (71 % - 29%). Dentant dati in NA (52 %) al Parc Adula cun 561 - 606 vuschs. Participaziun a la votaziun: 78.7 %.

Sustegn per ils projects

Per las Pendicularas Mustér èsi in cler signal che la populaziun sustegn ils projects, sco il president dal cussegl d’administraziun Marcus Weber ed il directur Rudolf Büchi scrivan en ina communicaziun a las medias.

Dapi la stad 2014 lavurian las pendicularas ed il Catrina Resort SA per sviluppar in concept turistic persistent per la regiun. Las pitgas centralas da quest concept sajan il resort cun ca. 700 letgs, la colliaziun da skis tranter Mustér e Sedrun ed il project d’ennavar il territori da skis.

RR novitads 14:00