Mustér: Cler sustegn per las pendicularas

Cun sia decisiun unanima ha il cussegl da vischnanca da Mustér dà in cler signal da sustegnair las Pendicularas Mustér.

Staziun da la pendiculara a Caischavedra.

Legenda da maletgs: Staziun da la pendiculara a Caischavedra. RTR, G. Hosang

Il credit da 2 milliuns francs a las Pendicularas Mustér per indrizs d’ennavar ha il cussegl da vischnanca approvà unanimamain. Latiers era in emprest da 2,5 milliuns francs ed ina garanzia da deficit da 2,5 milliuns francs per il project da la pendiculara da colliaziun dal territori da skis da Mustér a Sedrun.

Vinavant ha il cussegl da vischnanca da Mustér era ha approvà unanimamain il project dal rempar Val Acletta e da la correctura da la via ed il credit da 2,3 milliuns francs persuenter. Il rempar che sto tenor la vischnanca uschia ni uschia vegnir realisà en ils proxims onns pervia da privel da bovas vegn realisà gia ussa perquai che las Pendicularas Mustér vulan realisà en questa regiun il Resort Catrina cun var 700 letgs.

Omaduas fatschentas decida il suveran da Mustér a l’urna ils 27 da november.

RR novitads 11:00