Siglir tar il cuntegn

Header

cuntegn

Surselva Mustér: Chantun approvescha project per la Val Acletta

Il project per in rempar en la Val Acletta vegn approvà dal chantun. Quai cun intginas cundiziuns e concessiuns sco era aschuntà tras ina midada da project. La Confederaziun contribuescha rodund 1,25 milliuns ed il chantun rodund 1,07 milliuns francs.

La Val Acletta è in aual che porta l'entir onn aua. L'autezza da l'aua cresch mintgamai cu i plova fitg u cu la naiv liua la primavaira. La vischnanca ha definì trais champs d'acziun per construir rempars en la Val Acletta.

  • Sco emprim sa chattan la staziun da las pendicularas, chasas d'abitar, hotels, garaschas, chasas da parcar, bargias, remisas, parcadis sco er ulteriurs implants da sport en zona da privel.
  • In segund champ d'acziun pertutga il chanal da las pendicularas. Questa construcziun saja en in stadi architectonic nausch. Ils mirs dal chanal sajan magliads ora ed i pudess dar donns consecutivs.
  • Il terz impuls per il project deriva dal «Resort Catrina» planisà. Per pudair realisar il resort sco planisà da la vart dretga da l'aual ston vegnir prendidas mesiras da la protecziun cunter aua gronda er en quest territori.

RR novitads 11:00

Artitgels legids il pli savens