Siglir tar il cuntegn

Header

In auto amez la notg donnegià sin in binari.
Legenda: Suenter ina glischnada è cupitgà la notg da venderdi sin sonda in automobilist cun ses auto sin ils binaris. Polizia chantunala dal Grischun
cuntegn

Surselva Mustér: Auto croda sin binari

Suenter ina glischnada è cupitgà la notg da venderdi sin sonda in automobilist cun ses auto sin ils binaris. L’automobilist è sa blessà levamain.

L’automobilist viagiava sin la H19 da Sumvitg en direcziun da Mustér. En ina cumbinaziun da stortas tar Disla è ses auto glischnà. L’auto è ì sur la via ora e cupitgà sur la costa giu enfin ch’el è sa fermà sin ils binaris da la Viafier retica.

L’auto ha in donn total. Il manischunz è sa deliberà sez ed ha alarmà a polizia. Quella ha pudì avertir anc a temp la Viafier retica.

Il traffic da tren ha stuì vegnir interrut per 3 uras – quai per rumir il lieu da l’accident e per controllar ils binaris e la lingia da tren.

RR novitads 12:00