Siglir tar il cuntegn

Header

cuntegn

Surselva Mustér: 300 persunas pon vegnir l’enviern en il ressort Catrina

Fin l’enviern 2018/19 sajan almain duas da las sis chasas dal ressort Catrina finidas. Forsa schizunt ina terza chasa, di l’investider e president dal cussegl d’administraziun da las pendicularas da Mustér Marcus Weber.

Suenter intgins onns da planisaziun saja quai bel ch’ins vesia resultats, di Marcus Weber. Els hajan in mais retard, mo quai n'haja betg consequenzas. Els possian prender en funcziun la gastronomia, la stizun da sport e las abitaziuns. L’hostel per la giuventetgna cun 100 letgs (25 chombras a 4 letgs) e las duas chasas cun 50 abitaziuns sajan avertas l’enviern che vegn.

Era il Coop vegn en il ressort Catrina

Ina part dal project èn las duas chasas dal persunal che han plaz per 28 persunas a l’ur dal vitg d’Acletta. Ed era il Coop vegn en il ressort (13 da december). L’entir project cun 6 chasas e 140 abitaziuns duai esser realisà l’entschatta da la stagiun d’enviern 2019/20. Ils custs inclusiv las investiziuns si Caischavedra muntan a var 100 milliuns francs.

audio
Bunura: Il stadi da las lavurs dal ressort Catrina
ord Actualitad dals 19.06.2018.
laschar ir. Durada: 2 minutas 29 Secundas.

Gronda reclama en l'Italia

L’investider di ch’els hajan gia fatg gronda reclama en l’Italia tar 2'000 biros da viadi. Ma els veglian era intensivar la reclama en Svizra. Impurtant saja dentant ch’ins vendia in'entira regiun – da Mustér a Sedrun fin ad Andermatt. Il giast na tschertgia ozendi betg mo Mustér, el tschertgia ina gronda regiun cun ina gronda purschida.

Las emprimas duas chasas
Legenda: Las emprimas duas chasas RTR, H. Giger

RR actualitad 07:00

Artitgels legids il pli savens