Siglir tar il cuntegn

Header

cuntegn

Surselva Musical Surselva: «En 80 dis enturn il mund»

Il reschissur Roland Körner è era gest il creader musical, uschia vegni perfin integrà chanzuns rumantschas en quest toc.

Cun las represchentaziuns dal musical «High School» ha l'istorgia dals musicals en Surselva entschet. Igl onn 2013 han ils giuvenils entusiasmà varga 3'500 aspectaturs cun las represchentaziuns dal musical « Grease ». Per quest onn era la producziun dal musical «Mamma Mia» previsa. Malgrà grondas stentas ha l’uniun betg survegnì ils dretgs da la producziun.

Terz musical

Cun il Musical «En 80 dis enturn il mund» na datti betg da quels problems. L’uniun Musical Surselva ha gist pladi Roland Körner il sviluppader da quai musical sco reschissur. Entras quai engaschament èn las chaussas da dretg quasi obsoletas. Medemamain èsi uschia pussaivel d’integrar musica rumantscha en quest musical.

Christoph Senn da la scola da musica da la Surselva è responsabel per la musica e Claudio Bezzola surpiglia la part dal chant. Il project vegn era sustegnì da la scola da musica Surselva cun ses nov manader Clau Scherrer.

Ils castings han lieu ils 13 ed ils 28 d’october da quest onn. Las producziuns èn previsas l'atun 2019 a Vella.

RR novitads 12:00

Artitgels legids il pli savens