Siglir tar il cuntegn

Header

video
Ils tschiervs novs a Castrisch
Or da RTR dals 26.10.2018.
laschar ir. Durada: 5 minutas 6 Secundas.
cuntegn

Surselva Mund magic en spray

Cun la stgatla da spray creescha Natalie Sgier nova vita en il sutpassadi da tren tar Castrisch.

Jau sun fitg critica en mia lavur artistica. Jau lavur gugent precis e definì.
Autur: Natalie Sgier artista cun la stgatla da spray

Che quai è uschia, mussan ils maletgs che la dunna da 29 onns ha realisà sin las paraids da betun dal sutpassadi da la Viafier retica en la vischinanza da la staziun da Castrisch. Talas paraids grondas fascineschan l’artista da Panaduz. L’emprim maletg ha Natalie Sgier realisà l’onn passà. Quai suenter avair dumandà il permiss tar la Viafier retica.

Actualmain è ella vid realisar il segund maletg che duai tematisar la primavaira e la vita agricula. Durant dis da bell’aura passenta l’artista perquai enfin sis uras sin la puntada sut ils binaris da tren. Passants sa ferman, discurran cun Natalie Sgier e savens fan els fotografias u «selfies».

Sin la fin da l’atun spera Natalie Sgier da pudair finir sia lavur.

Artitgels legids il pli savens