Siglir tar il cuntegn

Header

cuntegn

Monitoring da lufs Trais dals trieps en Grischun han quest onn pitschens

Fin uss ha l’Uffizi da chatscha e pestga confermà set lufs pitschens tar il triep dal Beverin e sis lufs pitschens tar il triep da Stagias, sissum la Surselva. Era constatà lufs pitschens hajan ins en la vischinanza dal pass San Bernardino, uschia ch’in ulteriur triep da lufs saja sa furmà en il sid dal chantun, quai scriva l’uffizi en ses rapport da monitoring d'animals stgarpants. Tar ils trieps da Valgronda, Ringelspitz, Muchetta, Calanda e Morobbia n’hajan ins fin uss anc betg pudì confermar ina reproducziun.

Vis dapli animals stgarpants

Durant ils dus mais da fanadur ed avust hajan ins pudì registrar dapli lufs ch’ils mais precedents. Il fanadur sajan 44 vistas da lufs vegnidas annunziadas, l’avust 81. Uschia sajan quest onn 37 lufs vegnids confermads geneticamain en il chantun, 10 femellas e 27 mastgels.

Dapli nursas mazzadas

Ils ultims dus mais ha l’Uffizi da chatscha e pestga confermà dapli nursas stgarpadas. Il fanadur èn 72 nursas vegnidas mazzadas dal luf, l’avust 78 nursas, en total sur l’entir onn ora èn uss rodund 200 nursas vegnidas unfrenda dal luf. Dasper quai hai dà plirs animals blessads. En ils ultims dus mais 20 nursas, trais asens, trais vadels e trais vatgas. Vinavant scriva l’uffizi che quai haja dà ils ultims dus mais trais sentupadas problematicas tranter l’uman ed il luf.

audio
Per tadlar curt e cumpact
01:06 min, RTR Audio dals 22.09.2021.
laschar ir. Durada: 01:06 minutas.

RTR novitads 12:00

Artitgels legids il pli savens

Scrollar a sanestra Scrollar a dretga