Siglir tar il cuntegn
Inhalt

Surselva «Mini & Maxi» - ils 2 guardians da la tur da signal sin l'Apsu

La dumengia èn ils dus artists da l'Ollanda vegnids nominadas uffizialmain sco guardians durant in arranschament public sin il pass da l’Alpsu.

Sin ina tribuna a la via dal pass han ils dus comichers dà pled e fatg davart lur vita e professiun. Cun instruments da musica han els mussà tge talents ch’els èn.

Onur per ils dus Ollandais

Peter de Jong (Maxi) manegia che questa tur da signal na possia mai vegnìr duvrada per ses intent, ma gest perquai saja bel ch’ella saja là. I saja ina idea sturna, di ses collega Karel de Rooij (Mini). El haja lavurà sin l’entir mund, ma insatge uschè na saja anc mai capità en sia vita. Per els saja quai en scadin cas in’onur.

Cuntinuar cun acziuns

In’onur èsi era per la fundaziun 'Tur da signal tgina dal Rein' da pudair engaschar quest duo renumà da la Ollanda. Sco quai che Pancrazi Berther da la fundaziun di, veglian els oranisar pliras activitads, tranter auter vegnir cun in grond bastiment sin il pass dal Alpsu. «Nus sperain da pudair engaschar ulteriurs guardians d’onur per la tur da signal l'onn che vegn.»

Persunas che vulan daventar possessurs d'ina clav per entrar en la tur pon far quai cun pajar 100 francs. Dapli infurmaziuns datti sin la pagina d’internet
www.leuchtturm- rheinquelle.ch, il link avra en ina nova fanestra