Siglir tar il cuntegn

Header

Navigaziun

hotel e bogn a vals
Legenda: Curt avant la stagiun auta sto l'hotel «7132 SA» magunar midadas sisum l'ierarchia. RTR, Linus Livers
cuntegn

Surselva Midadas da persunal sisum l'hotel 7132 SA

En il hotel 7132 da Remo Stoffel a Val Son Pieder datti pliras midadas: Sin la fin da l'onn bandunan tant il manager general sco la responsabla per marketing e vendita.

Curt avant che la stagiun'auta cumenza, ha il directur da l'hotel «7132 SA» a Vals bandunà ses post. Hans Rudolf Rütti ha manà l'hotel «7132 SA» da Remo Stoffel durant dus onns. Rütti haja tschertgà novas sfidas, suenter che l'hotel a Vals saja posiziunà danov, ha laschà drizzar ora Stoffel a la «NZZ am Sonntag». Quai cun punctuar ch'el bandunia en cunvegnientscha vicendaivla. Il Cussegl d'administraziun haja gia engrazià a Rütti e dà cumià ad el ils 12 da december.

Per il mument surpiglia Roman Kurt Frauchiger las fatschentas

Tenor la «NZZ am Sonntag» banduna era la responsabla per il marketing e la vendita il manaschi da l'hotel. Quai però betg en concordanza, pretenda la gasetta, mabain pervi da differenzas da strategia. Ella n'ha betg vulì prender posiziun.

RR novitads 15:00