Siglir tar il cuntegn

Header

Navigaziun

Intgins commembers da la PCD giuvna: Alfons Andreoli, Nathan Solèr, Melanie Janka, Kevin Brunold, Fabian Collenberg, Gian Derungs, Donat Albin
Legenda: Intgins commembers da la PCD giuvna: Alfons Andreoli, Nathan Solèr, Melanie Janka, Kevin Brunold, Fabian Collenberg, Gian Derungs, Donat Albin mad
cuntegn

Surselva Midada da generaziun tar la PCD Giuvna Surselva

Melanie Janka, Fabian Collenberg e Nathan Solèr èn vegnids elegids da nov en suprastanza.

A la radunanza generala da la PCD Giuvna Surselva èn Melanie Janka da Sursaissa, Fabian Collenberg da Sumvitg e Nathan Solèr da Lumbrein vegnids elegids da nov en suprastanza. Sco president resta Gian Derungs vinavant e René Epp resta vinavant vicepresident, scriva la partida en ina communicaziun a las medias.

Abditgà haja Kevin Brunold da Surcuolm. El saja stà passa 10 onns en suprastanza ed haja furmà questa partida giuvna sco paucs auters, scriva la partida vinavant.

La radunanza generala haja era guardà enavos sin il passà. Sco punct culminant vegn menziunà il referendum chantunal cunter la refurma territoriala. Quel saja la finala vegnì sbittà dal chantun, las regiuns periferas hajan dentant sustegnì l’intenziun. Sco success vegnan era las elecziuns dal cussegl naziun dal 2015 taxadas. La PCD giuvna haja gidà la PCD Grischuna ed a Martin Candinas da defender ses sez en il Cussegl naziunal.