Siglir tar il cuntegn

Surselva Memia bler radon per training da velo a Rueun

Il club da velo Surselva na po betg pli trenar en la Caverna a Rueun. Ils experts da la Confederaziun han mesirà en las galarias da la Caverna sin l’areal da l’arsenal da militar a Rueun ina memi’auta concentraziun da Radon, scriva il club da velo Surselva.

Legende: Video Memi'auta concentraziun da radon per trenament da velo abspielen. Laufzeit 0:43 Minuten.
Dals 01.12.2015.

Sco Rolf Beeli (foto), il president dal club da velo Surselva ha ditg, na possian ins betg pli responsar da trenar en questas localitads, er sche quai saja mo per in curt temp da 2 uras per emna.

Tgè è Radon?

Radon è in uschenumnà «gas nobel» che sa furma en la terra durant la decadenza d’uran.

Perquai ch’i sa tracta d’in gas po il radon penetrar levamain tras lieus da bajetgs che n’èn betg ermetics.

Cura ch’il radon sa divida datti radiaziun che po donnegiar il lom. In pli lung temp d’expost po uschia chaschunar cancer dal lom.

RR novitads 06:00